मुंबई (प्रतिनिधी): राज्यात निवडणूक आयोगाच्या ‘विशेष सखोल पुनरीक्षण’ (SIR) मोहिमेला सुरुवात झाली असून, मतदार याद्यांमध्ये मोठे बदल होण्याची शक्यता व्यक्त होत आहे. त्यामुळे प्रत्येक मतदाराने आपले नाव यादीत आहे की नाही, याची खात्री करून घेणे अत्यंत आवश्यक झाले आहे.
अलीकडेच पश्चिम बंगालमध्ये सुमारे ९० लाख मतदारांची नावे वगळण्यात आल्याची घटना समोर आली होती. त्यानंतर आता महाराष्ट्रातही ही मोहीम राबवली जात असून, मृत व्यक्ती, दुबार नोंदी आणि स्थलांतरित मतदारांची नावे वगळली जाणार आहेत. त्याचबरोबर १८ वर्षे पूर्ण केलेल्या नवमतदारांना नाव नोंदणीची संधी दिली जाणार आहे.
सध्या बीएलओ (Booth Level Officer) घरोघरी जाऊन मतदारांची माहिती, पत्ता आणि वयाची पडताळणी करत आहेत. त्यामुळे नागरिकांनी योग्य कागदपत्रांसह सहकार्य करावे, असे आवाहन प्रशासनाकडून करण्यात येत आहे
.
SIR मोहिमेचे उद्दिष्ट
मतदार यादी शुद्ध व अचूक ठेवणे
मृत व स्थलांतरित मतदारांची नावे वगळणे
दुबार नोंदी कमी करणे
नव्या मतदारांना संधी देणे
ऑनलाईन नाव कसे तपासाल? (स्टेप-बाय-स्टेप)
घरबसल्या मतदार यादीत नाव तपासण्यासाठी खालील सोपी पद्धत वापरा:
https://ecinet.eci.gov.in/homepage� या अधिकृत वेबसाईटवर जा किंवा ECINET मोबाईल अॅप डाउनलोड करा
“Voter Services” या पर्यायावर क्लिक करा
“Special Intensive Revision (SIR) – 2026” हा पर्याय निवडा
“Search your name in last SIR” वर क्लिक करा
राज्य, जिल्हा, मतदारसंघ आणि गाव/मतदान केंद्र निवडा
नाव किंवा आडनाव टाकून शोध घ्या
२००२ च्या यादीचा संदर्भ
ही यादी २००२ सालातील असल्याने, त्या आधी मतदार असलेल्या नागरिकांची नावे यात दिसतील. जर तुमचे नाव सापडले नाही, तर पालकांचे नाव तपासावे. बीएलओकडे योग्य माहिती दिल्यास, नवीन यादीत तुमचे नाव समाविष्ट करण्यात येईल.
नागरिकांसाठी महत्त्वाची सूचना
मतदार यादीत नाव नसल्यास भविष्यात मतदानाचा हक्क गमवावा लागू शकतो. त्यामुळे प्रत्येक नागरिकाने त्वरित ऑनलाईन तपासणी करून आवश्यक असल्यास दुरुस्ती किंवा नव्याने नोंदणी करावी.
