संगीत आणि ध्यानाच्या माध्यमातून योगाचा अनुभव; प्रवेश विनामूल्य
कल्याण : संगीत आणि ध्यानाच्या माध्यमातून योगाचा अनुभव देणारा ‘ॐ नमोजी आद्या’ हा विशेष कार्यक्रम कल्याण येथे आयोजित करण्यात आला आहे. सहजयोग, कल्याण यांच्या वतीने आयोजित करण्यात आलेल्या या कार्यक्रमाला रसिकांना विनामूल्य प्रवेश देण्यात येणार आहे.
शुक्रवार, १४ ऑगस्ट २०२६ रोजी रात्री ८ ते १० या वेळेत कल्याण येथील आचार्य प्रल्हाद केशव अत्रे रंगमंदिर येथे हा कार्यक्रम होणार आहे. कार्यक्रमासाठी प्रवेश सायंकाळी ७.३० वाजल्यापासून देण्यात येणार आहे.
प.पू. माताजी श्री निर्मला देवी यांच्या सहजयोगाच्या माध्यमातून संगीत, ध्यान आणि आत्मिक अनुभूती यांचा संगम या कार्यक्रमातून साधला जाणार आहे. ‘ॐ नमोजी आद्या’ या संकल्पनेतून आध्यात्मिकता आणि भारतीय शास्त्रीय संगीताचा अनुभव रसिकांना घेता येणार आहे.
कार्यक्रमात पंडित चंद्रशेखर वझे, भारतीय शास्त्रीय गायक, यांचे गायन होणार आहे. त्यांना तबला वादक श्री. नंदकुमार धामापुरकर, पखवाज वादक श्री. विकास कोकाटे, बासरीवादक श्री. अनिकेत गोसावी तसेच तालवाद्य (ट्रायबल ड्रम्स) वादक श्री. श्रीकांत टाईमकर यांची साथ लाभणार आहे.
या कार्यक्रमासाठी प्रवेश पूर्णपणे विनामूल्य असून, इच्छुकांनी दिलेल्या QR कोडच्या माध्यमातून ऑनलाइन नोंदणी करावी, असे आयोजकांनी आवाहन केले आहे. अधिक माहितीसाठी omnamojiaadya.in या संकेतस्थळावर नोंदणीची सुविधा उपलब्ध करून देण्यात आली आहे.
संगीत, ध्यान आणि सहजयोगाच्या माध्यमातून अंतर्मुख करणारा हा विशेष कार्यक्रम कल्याण परिसरातील रसिकांसाठी एक वेगळा आध्यात्मिक-सांगीतिक अनुभव ठरणार आहे.
