आता विधानसभा परिसरात खास वानर आवाज तज्ज्ञ तैनात केले जाणार आहेत. हे कर्मचारी आठ-आठ तासांच्या शिफ्टमध्ये बसून माकडांसारखे असा आवाज काढून माकडांना पळवतील. म्हणजेच, माकडांना घाबरवण्यासाठी माणसांनीच माकड बनायचे! PWD ने यासाठी बाकायदा निविदा काढली आहे – म्हणजे सरकारी नोकरी मिळवण्यासाठी आता “वानर आवाज” हा कौशल्याचा विषय ठरणार आहे.
दिल्ली विधानसभा परिसरात माकडांचा उपद्रव इतका वाढला आहे की प्रशासनाला आता वानर-व्यवस्थापन विभाग सुरू करावा लागला आहे! रोजच्या रोज माकडांची घुसखोरी, कागदं उडवणे, पिशव्या हिसकावणे आणि आमदारांच्या चहावर डल्ला मारणे – या सगळ्यामुळे अधिकारी हैराण झाले आहेत. अखेर उपाय म्हणून त्यांनी एक भन्नाट योजना आखली आहे.
