शिवसेनेच्या प्रचारसभेत उपमुख्यमंत्री एकनाथ शिंदे यांच्या उपस्थितीत शिवसेनेचे फायरब्रँड आमदार निलेश राणे यांनी आज तुफान रोखठोक भाषण करत विरोधकांना थेट लक्ष्य केले. दहा वर्षांपासून मालवणच्या विकासाला “कोरडा पडलेला निधी” जबाबदार असल्याचा आरोप करत राणेंनी शिवसेनेच्या प्रचारसभेत जाळ आणि धूर एकसंगच असे खडाजंगी वातावरण निर्माण केले.
🟧 मागच्या दहा वर्षांत मालवणला निधीचा दुष्काळ – निलेश राणे
“दहा वर्षात मालवणसाठी एक रुपयादेखील नाही… सगळ्या विकास कामांचा ‘बॅकलॉग’ काढून टाकणार!”
आमदार राणेंनी स्पष्ट शब्दांत सांगितले की,
“मागील दहा वर्षांत मला बाजूला फेकलं गेलं. शहराला निधी मिळायचा बंद झाला. पर्यटन क्षेत्र असलेला मालवणसाठी कोट्यवधींचा निधी मागितला, पण कुठेच न्याय मिळाला नाही.”
त्यांनी उपमुख्यमंत्री एकनाथ शिंदेंना आवाहन करत म्हटले—
“मालवण पर्यटन क्षेत्र आहे… पंढरपूर तीर्थक्षेत्र आहे… दोन्हीकडे कोट्यवधी निधी द्या! आता शिंदे साहेब शहरासाठी भरघोस निधी देणार.”
🟧 “अनेकांनी शहराला लुटले… आमचे उमेदवार निष्कलंक!”
राणेंनी विरोधकांवर घणाघाती आरोप करत म्हटले—
“अनेकांनी या शहराला लुटलं. काहीजणांनी आपल्या पदाचा गैरवापर केला. पण आमचे उमेदवार निष्कलंक आहेत. आम्ही कसल्याही प्रकारे पैसे घेणार नाही. उलट काही गैरप्रकार आढळले तर थेट माझ्याकडे तक्रार करा.”
🟧 “माझ्यावर टीका करा… पण विकास रोखू नका
“माझ्यावर करायची आहे टीका—करा! मला काही हरकत नाही. पण मालवणच्या विकासाचा घोटाळा करू नका. शहराच्या भविष्याशी खेळू नका,” असेही ते म्हणाले.
🟧 तिकीट राजकारणावर थेट बोट
“तिकीट देतो म्हणणारे गेले बाजूला… देणार म्हणजे देणार हे सांगणारे शिंदे साहेबच!”
राणेंनी शिवसेनेतील तिकीट वाटपावर टोला हाणत म्हटले—
“आज जे म्हणत होते की मी तिकीट देतो… ते गेले बाजूला!
तिकीट देणार म्हणजे देणार—हे फक्त एकनाथ शिंदे साहेबांनीच सांगितलं. मला वाचवलं ते जनतेने आणि शिंदे साहेबांनी—‘प्रवाहात नाही तर जिवंत केलं’!”
🟧 “ज्यांनी शिवसेनेवर वार केले… त्यांच्यावर केले दोन-दोन वार!”
भाषणातील सर्वाधिक टाळ्या मिळालेली ओळ—
“ज्यांनी शिवसेनेवर वार केला, त्यांच्यावर मी दोन-दोन वार केले!
मी तडजोड करायला तयार होतो… पण त्यांनीच संधी द्यायला नकार दिला!”
🟧 ३ डिसेंबरचा दावा
“३ तारखेला अनेकांचे ‘टांगे’ पलटी होतील!”**
आमदार निलेश राणेंनी सभेत मोठा दावा केला—
“३ तारखेला अनेकांचे टांगे पलटी होणार. नगरपरिषदेवर भगवा फडकणार. पूर्ण २१ही नगरसेवक जिंकून शिवसेना नगरपरिषदेत पाठवणार!”
मालवणच्या राजकारणात ‘राणे स्टाईल’ गर्जना
शिंदे यांच्या उपस्थितीत निलेश राणेंनी आजचा प्रचाराचा सूरच बदलला आहे.
विरोधकांवर थेट हल्ला, निधीठप्प विकासावर प्रहार, पक्षातील काहींच्या डावपेचांवर उघडपणे बोलण्याची तयारी आणि शहराच्या विकासासाठी कोट्यवधी निधी आणण्याची ग्वाही—
यामुळे मालवणची राजकीय हवा तापली आहे हे निश्चित.
